Փխրուն տորթ՝ կաթնաշոռային միջուկով

Բաղադրությունը

• 300 գ ալյուր,

• 120 գ շաքարավազ,

• 30 գ կակաո,

• 1.5 թեյի գդալ փխրեցուցիչ,

• 200 գ կարագ,

• 1 գ վանիլին:

Միջուկ

• 600 գ կաթնաշոռ (6% և ավել) ,

• 180 գ շաքարավազ,

• 1 թեյի գդալ վանիլին կամ վանիլային շաքար,

• 2 հատ ձու,

• 1.5 ճաշի գդալ եգիպտացորենի օսլա:

Պատրաստման եղանակը

Կակաոն, ալյուրը, շաքարավազը, վանիլինը և փխրեցուցիչը խառնել:

Ավելացնել սառը և խորանարդներով կտրատված կարագ ու ձեռքերով տրորել:

Ստացվում է փխրուն և մանր կտորներով զանգված: Այս զանգվածը դնել սառնարանում, և պատրաստել միջուկը:

Միջուկը պատրաստելու համար կաթնաշոռը և ձուն էլեկտրական հարիչով հարել, իսկ հետո ավելացնել շաքարավազ, եգիպտացորենի օսլա, վանիլային շաքար և խառնել:

Ձևամանի (22սմ) հատակին և կողքերին յուղաթուղթ փռել:

Կարագով և ալյուրով պատրաստված զանգվածը՝ խմորը, բաժանել 3 մասի:

Ձևամանի մեջ լցնել զանգվածի առաջին մասը, հետո լցնել և տարածել միջուկը: Այնուհետև լցնել զանգվածի 2-րդ մասը, կրկին միջուկի մնացած մասը և վերջում ծածկել զանգվածի 3-րդ մասով:

Թխել 180 ջերմաստիճանում 30 րոպե:

Տորթը ամբողջությամբ թողնել, որ սառչի և նոր համտեսել:

Բարի ախորժակ