Աղցան «Կեսար»: Այս տարբերակով պատրաստե՞լ եք

Բաղադրությունը

500 գ հավի կրծքամիս,

400 գ պեկինյան կաղամբ,

200 գ պինդ պանիր (ցանկալի է պարմեզան),

համեմունքներ,

աղ,

պղպեղ,

1/2 հաց (բատոն),

2 ճաշի գդալ ձեթ,

2 հատ լոլիկ:

Սոուս

150 գ մայոնեզ,

3 ճաշի գդալ թթվասեր,

1 թեյի գդալ սոյայի սոուս,

1 ատամիկ սխտոր,

0.5 հատ լիմոնի հյութ:

Պատրաստման եղանակը

Հավի կրծքամիսը լվանալ, չորացնել, համեմել աղով, պղպեղով և սիրելի համեմունքներով ու թույլ կրակին տապակել (ձեթով):

Տապակելուց հետո հավի կրծքամիսը թողնել, որ սառչի, այդ ընթացքում ամանը ծածկել որևէ կափարիչով:

Հացը խորանարդներով կտրատել, դնել ջեռոցի ձևամանի մեջ, մի փոքր ձեթ շաղ տալ և մի քանի րոպե ջեռոցում չորացնել: Այս ամանի մեջ նաև 1-2 ատամիկ սխտոր կարելի է դնել:

Պեկինյան կաղամբը, հավի կրծքամիսը և լոլիկը կտրատել, իսկ պանիրը քերիչով անցկացնել:

Մայոնեզի մեջ սոյայի սոուս, թթվասեր, ճզմված կամ մանր կտրատված սխտոր և լիմոնի հյութ ավելացնել ու լավ խառնել:

Բոլոր բաղադրիչները միավորել, համեմել սոուսով և խառնել: Չորահացը վրան շաղ տալ, իսկ լոլիկները դասավորել վրան:

Բարի ախորժակ