Ձեր հյուրերն անկասկած կխնդրեն այս աղցանի բաղադրատոմսը: Սմբուկով աղցանի յուրօրինակ բաղադրատոմս

Բաղադրիչներ

1 կգ փոքր սմբուկ

1 հատ գազար

1 գլուխ սոխ

1 հատ կարմիր պղպեղ

4 ատամիկ սխտոր

մաղադանոս

աղ

2 ճ/գ շաքարավազ

2 ճ/գ 9% քացախաթթու

2 ճ/գ ջուր

Պատրաստման եղանակը

Սմբուկը շրջանաձև կտրատել, 1 թ/գ աղ ավելացնել, լավ խառնել և 30 րոպե թողնել

Գազարն անցկացնել քերիչով (կորեական ձևով), սոխը կիսալուսնաձև կտրատել

Պղպեղը բաժանել 4 մասի, ապա լայնությամբ կտրատել և ավելացնել մյուս բաղադրիչներին

3-4 րոպե տապակել

Ավելացնել մանրացրած սխտոր, մաղադանոս, խառնել և վերցնել կրակից

Սմբուկը մի փոքր ճզմել, 2 կողմից 2-ական րոպե տապակել

Ապակե տարայի մեջ շարել տապակած սմբուկի մի մասը, ավելացնել բանջարեղենի մի մասը, և ևս 2 շարք նույնությամբ դասավորել

Առանձին տարայի մեջ լցնել 2 ճ/գ շաքարավազ, 1 թ/գ աղ, 2 ճ/գ քացախաթթու, 2 ճ/գ ջուր, լավ խառնել և լցնել բանջարեղենի վրա

Ծածկել կափարիչն ու 6 ժամ թողնել սառնարանում

Ժամանակ առ ժամանակ շրջել հակառակ կողմի վրա` 5 վայրկյան, որպեսզի հեղուկը հասնի բանջարեղենի բոլոր հատվածներին, ապա նորից դնել սառնարանում

Շտապեք համտեսել )))

Բարի ախորժակ