Ընթրիք ողջ ընտանիքի համար: Անչափ համեղ տաք ուտեստ

Բաղադրությունը

• 1 կգ կարտոֆիլ,

• 700 գ աղացած միս (խոզ-տավար),

• 0.5 բաժակ բրինձ,

• 2 հատ սոխ,

• 2 հատ գազար,

• 70 գ տոմատի մածուկ,

• 1 թեյի գդալ չորացված կանաչիներով համեմունք,

• 1 հատ դափնու տերև,

• ջուր,

• աղ,

• սև պղպեղ,

• ձեթ:

Պատրաստման եղանակը

Աղացած մսի վրա ավելացնել լավ լվացված բրինձը, համեմել աղով և պղպեղով ու լավ խառնել:

Այս զանգվածից ընկույզի չափի գնդիկներ պատրաստել և քիչ ձեթով տապակել, մինչև գնդիկները ոսկեգույն ծածկույթ կստանան:

Սոխը, գազարը և կարտոֆիլը ոչ մեծ կտորներով կտրատել:

Տոմատի մածուկի վրա 1 բաժակ ջուր ավելացնել և խառնել:

Այլ խորը թավայի մեջ սոխարած պատրաստել, ավելացնել գազարը ու միասին 2-3 րոպե տապակել:

Այնուհետև ավելացնել տոմատի մածուկով խառնուրդը:

Հենց զանգվածը կսկսի եռալ ավելացնել մսային գդիկները, մոտ 1լ տաք ջուր, կարտոֆիլ, մոտ 0.5  ճաշի գդալ աղ, խառնել և ծածկած եփել 15-20 րոպե: (Ջուրը պետք է ծածկի բաղադրիչները):

Պատրաստի լինելուց 5 րոպե առաջ ավելացնել դափնու տերևը և համեմունքները:

Ցանկության դեպքում վրան թարմ կանչի շաղ տալ:

Բարի ախորժակ