Տնական «Կինդեր Պինգվի»: Երեխաները շատ կուրախանան

Բաղադրությունը (12 կտոր)

• Խմոր                                                           

3 հատ միջին մեծության ձու,

100 գ շաքարավազ,

50 գ ձեթ,

100 գ կեֆիր,

+/- 110 գ ալյուր,

40 գ եգիպտացորենի օսլա,

25 գ կակաո,

2 թեյի գդալ մեղր,

1/3 թեյի գդալ սոդա,

1 պտղունց վանիլին,

1 պտղունց աղ:

• Կրեմ

200-250 գ բարձր յուղայնությամբ սերուցք (30%),

80 գ խտացրած կաթ,

40 մլ ջուր:

Պատրաստման եղանակը

Ձուն ջարդել, մեկ պտղունց աղ ավելացնել ու 1 րոպե հարել:

Ավելացնել շաքարավազը ու մոտ 5 րոպե հարել, մինչև փրփրուն զանգված կստացվի:

Այնուհետև ավելացնել ձեթ, կեֆիր, մեղր ու կրկին մի փոքր հարել:

Չոր բաղադրիչները՝ ալյուրը, կակաոն, օսլան, վանիլինը, սոդան, մաղով անցկացնել, մաս-մաս ավելացնել ձվով զանգվածի մեջ և խառնել: (Օսլայի փոխարեն կարելի է ալյուր ավելացնել)

Ստացվում է թույլ խմոր:

Ջեռոցի թավայի մեջ յուղաթուղթ փռել, խմորը լցնել մեջն ու տարածել: Յուղաթուղթը կարելի է մի փոքր ձեթոտել կամ ջուր քսել, որպեսզի չշարժվի:

Խմորը թխել 8-9 րոպե 180 ջերմաստիճանում:

Թխված խմորի վրայից յուղաթուղթը հանել, ու թողնել, որ հովանա, իսկ հետո խմորի ծայրերը հավասարեցնել ու ամբողջ խմորը 2 հավասար մասի բաժանել:

Սերուցքը լավ հարել՝ աստիճանաբար ավելացնելով հարիչի արագությունը, այնուհետև ավելացնել խտացրած կաթը, մեղրը ու կրկին հարել, մինչև կայուն ու թեթև զանգված կստացվի:

Կրեմը պատրաստելիս սերուցքը և խտացրած կաթը պետք է սառը վիճակում լինեն:

Կրեմը քսել շերտերից մեկի վրա, վրան մյուս շերտը դնել ու 3 և ավել ժամ թողնել սառնարանում՝ տոպրակով ծածկելով:

Համտեսելուց առաջ կտրել 12 հավասար մասերի:

Բարի ախորժակ