Չափազանց գեղեցիկ և համեղ թխվածքաբլիթներ, որոնք կարող եք պատրաստել և՛ տոնական, և՛ ամենօրյա սեղանի համար: Թխվածաքաբլիթ «Ծաղիկներ»

Բաղադրիչներ

320 գ ալյուր

150 գ կարագ

աղ

8 գ վանիլային շաքարավազ

80 գ շաքարի փոշի

1 թ/գ փխրեցուցիչ

1 ձվի դեղնուց

100 գ 20% թթվասեր

1 թ/գ ձեթ

2 ճ/գ կակո

3 ճ/գ կաթ

Ձևավորման համար`

1 ձվի դեղնուց

քունջութ

Պատրաստման եղանակը

Կարագն ու ալյուրը իրար հետ տրորել և լավ խառնել

Ավելացնել մի պտղունց աղ, վանիլային շաքարավազ, շաքարի փոշի, փխրեցուցիչ, 1 ձվի դեղնուց, թթվասեր, լավ խառնել և խմոր հունցել (պետք է ստացվի շատ փափուկ խմոր)

Խմորը բաժանել 2 անհավասար մասերի, մեծ մասը դնել պոլիէթիլենային փաթեթի մեջ և դնել սառնարանում 20 րոպե

Առանձին տարայի մեջ կակոն և կաթը խառնել իրար, լցնել խմորի փոքր մասի վրա և լավ խառնել

Ստացված շոկոլադե խմորը դնել պոլիէթիլանային փաթեթի մեջ և դնել սառնարանում 20 րոպե

խմորները հանել սառնարանից, յուրաքանչյուրը բաժանել 15 հավասար մասրի

Սպիտակ խմորե գնդիկը մի փոքր բացել, կենտրոնում դնել շոկոլադե խմորե գնդիկը, փակել

Գնդել, շատ թեթև գրտնակել, դանակով 5 կտրվածք անել, ծայրերը միացնել իրար (կստացվեն ծաղկի թերթիկներ)

Դանակի օգնությամբ ձևավորել թերթիկները

Թավայի վրա սննդային թուղթ փռել, խմորեղենը դասավորել նրա վրա

Ծաղիկների կենտրոնում ձվի դեղնուց քսել և քունջութ լցնել

Դնել 180°С տաքացրած ջեռոցում 20 րոպե

Թխվածքաբլիթները պատրաստ են )))

Բարի ախորժակ