Շատ համեղ և յուրօրինակ թխվածքաբլիթներ` վարսակի փաթիլներով և ընկույզով

Բաղադրիչներ

110 գ ալյուր

110 գ շաքարավազ

110 գ փափուկ կարագ

120 գ ընկույզ

120 գ վարսակի փաթիլներ

1 ձու

1 թ/գ փխրեցուցիչ

40 գ մեղր

1 թ/գ վանիլային շաքարավազ

¼ թ/գ դարչին

աղ

Պատրաստման եղանակը

Ընկույզը մանրացնել

Վարսակի փաթիլներին ավելացնել շաքարավազ, վանիլային շաքարավազ, դարչին, մի պտղունց աղ, ալյուր, փխրեցուցիչ, մանրացրած ընկույզ և լավ խառնել

Փափուկ կարագին ավելացնել մեղր, ձու, լավ խառնել, ավելացնել վարսակի փաթիլներին և լավ խառնել

Թողնել 10 րոպե

Ստացված խմորը բաժանել 2 մասի, տեղափոխել սեղանի վրա, յուրաքանչյուրը բաժանել 10 հավասար մասերի, գնդիկներ անել: Թավայի մեջ սննդային թուղթ փռել, մի քիչ կարագ քսել, գնդիկները դնել, շատ քիչ սեղմել (կարելի է նաև թողնել շրջանաձև)

Դնել 190°С տաքացած ջեռոցում, թողնել 16-18 րոպե

Համտեսելու ժամանակն է )))

Բարի ախորժակ