Ամենահամեղ փքաբլիթները պատրաստվում են հենց ա՛յս բաղադրատոմսով

Բաղադրիչներ

Խմորի համար`

600-700 գ ալյուր

350 մլ գոլ կաթ

1 թ/գ խմորիչ

2 ճ/գ շաքարավազ

1 ձու

3 ճ/գ ձեթ

վանիլին

եփովի կրեմի համար`

250 մլ կաթ

1 ձու

150 գ շաքարավազ

2 ճ/գ ալյուր

60-70 գ կարագ

0,5 թ/գ վանիլին

Պատրաստման եղանակը

Խմորի պատրաստման համար՝ կաթը, խմորիչը և շաքարավազը խառնել իրար և թողնել 10 րոպե

Այնուհետև ավելացնել ձեթ, ձու, մի պտղունց վանիլին, խառնել՝ `մաս-մաս ավելացնելով ալյուր (պետք է ստացվի ձեռքերին չկպչող խմոր):

15-20 րոպե հունցել: Ստացվում է փափուկ, էլաստիկ խմոր: Ծածկել և թողնել 2 ժամ

Կրեմի պատրաստման համար՝ կաթսայի մեջ լցնել 1 ձու, շաքարավազ և լավ խառնել կամ հարել այնքան, մինչև այն սպիտակի

Ավելացնել կաթի մի մասը, խառնել, ավելացնել ալյուրը, կաթի մնացած մասը և լավ խառնել

Դնել թույլ կրակի վրա և անընդհատ խառնել` հասցնելով միջին թանձրության

Վերցնել գազօջախից, ավելացնել կարագ և վանիլին, լավ խառնել, ծածկել և թողնել սառնարանում

Խմորը բացել, ևս 2-3 րոպե հունցել, այնուհետև գնդիկներ անել (10 հատ), ծածկել և թողնել 10-15 րոպե

Յուրաքանչյուր գնդիկը մի փոքր բացել, 1 ճ/գ կրեմ լցնել և բոլոր կողմերից հավաքել ու փակել

Զգուշորեն փքաբլիթի տեսք տալ

Խոր կաթսայի մեջ առատ ձեթ լցնել և փքաբլիթները երկու կողմից տապակել (2-3 րոպե)

Շաքարի փոշի ցանեք և մատուցեք )))

Բարի ախորժակ