Ամենաթեթև, արագ պատրաստվող «Բրաունի» շոկոլադե կեքսերի բաղադրատոմսը դուք արդեն ունեք

Բաղադրիչներ

120 գ կարագ

120 գ մուգ շոկոլադ

110 գ ալյուր

1 թ/գ փխրեցուցիչ

2 ձու

աղ

150 գ շաքարավազ

1 թ/գ վանիլային շաքարավազ

Պատրաստման եղանակը

Որևէ տարայի մեջ եռման ջուր լցնել: Մեկ այլ տարայի մեջ լցնել կարագը, շոկոլադը և դնել ջրով լի տարայի վրա, որպեսզի հալչեն

Առանձին տարայի մեջ 2 ձու կոտրել, ավելացնել աղ, շաքարավազ և հարիչով հարել

Քիչ-քիչ ավելացնել արդեն հալած շոկոլադը և վանիլային շաքարավազը

Ալյուրին ավելացնել փխրեցուցիչ և քիչ-քիչ ավելացնել ձվային զանգվածին և հարել

Անհրաժեշտ է հարել ցածր արագությամբ, բայց ոչ երկար: Հակառակ դեպքում խմորը կստացվի շատ խիտ և չոր: Կարելի է գդալով շարունակել խառնել, եթե դրա կարիքը կա

Կեքսերի համար նախատեսված կաղապարի մեջ կեքսի ձևաթղթեր դնել, խմորը լցնել` ծածկելով ձևաթղթերի կեսից մի փոքր ավելին

Դնել 180°С տաքացրած ջեռոցում 20-25 րոպե (վերև-ներքև ռեժիմով)

Կարող եք մատուցել նաև շոկոլադե ջնարակով )))

Բարի ախորժակ