Ջեռոցում պատրաստված այս համեղ կարտոֆիլը կզարդարի Ձեր ընթրիքի սեղանը

Բաղադրությունը

• 7 հատ կարտոֆիլ,

• 120 գ պինդ պանիր,

• 100 գ կետչուպ,

• 300 գ կիսաապխտած երշիկ,

• 50 մլ ձեթ,

• աղ,

• մաղադանոս:

Պատրաստման եղանակը

Կարտոֆիլը շերտերով կտրել այնպես, որ ներքևի հատվածը չկտրվի: Այդպես կտրելու համար կարող եք կարտոֆիլի 2 կողմում գդալ դնել:

Բոլոր շերտերին ձեթ քսել, մի փոքր աղ անել:

Ջեռոցի ձևամանի հատակին ձեթ քսել, կարտոֆիլները դնել մեջը և եփել 40-50 րոպե 200 ջերմաստիճանում:

Այդ ընթացքում երշիկը և մաղադանոսը կտրատել, պանիրը քերիչով անցկացնել:

Երբ կարտոֆիլը գրեթե պատրաստ լինի, այն հանել ջեռոցից, և շերտերի արանքում դնել երշիկը, վրան կետչուպ լցնե, պանիր շաղ տալ և կրկին ուղարկել ջեռոցը:

Մատուցելուց առաջ վրան կանաչի շաղ տալ:

Բարի ախորժակ