Բերանում հալչող շոկոլադե տորթ

Բաղադրությունը

• Խմոր

3 հատ ձու,

5.5 ճաշի գդալ շաքարավազ,

2 թեյի գդալ վանիլին,

7 ճաշի գդալ կաթ,

30 գ կարագ,

5.5 ճաշի գդալ ալյուր,

1 ճաշի գդալ կարտոֆիլի օսլա,

2 ճաշի գդալ կակաո,

1.5 թեյի գդալ փխրեցուցիչ,

1 պտղունց աղ:

• Կրեմ

400 գ կաթ,

150 գ կամ 6 ճաշի գդալ շաքարավազ,

3 ճաշի գդալ եգիպտացորենի օսլա  (կամ կարտոֆիլի),

1 հատ ձու,

100 գ շոկոլադ (50%),

100 գ կարագ:

• Օշարակ (խմորը թրջելու համար)

115 գ ջուր,

3 ճաշի գդալ շաքարավազ,

2 ճաշի գդալ կոնյակ (ըստ ցանկության):

Պատրաստման եղանակը

Հարել ձուն և շաքարավազը՝ աստիճանաբար հարիչի արագությունը մեծացնելով: Զանգվածը հարել այնքան ժամանակ, մինչև կփրփրի և կսպիտակի:

Մեկ այլ ամանի մեջ լցնել ալյուրը, ավելացնել օսլան, փխրեցուցիչը, աղը, կակաոն և խառնել, այնուհետև մաղով անցկացնել և ավելալացնել հարված ձվով զանգվածի վրա, հարել:

Թավայի մեջ լցնել կարագը և կաթը, եռացնել, 2 մասով ավելացնել խմորի մեջ և խառնել:

Ձևամանի հատակը յուղաթղթով ծածկել (19-20 սմ), խմորը լցնել մեջը:

Թխել նախապես տաքացված ջեռոցում 30-35 րոպե 180-190 ջերմաստիճանում: Պատրաստ լինելուց հետո ջեռոցի դուռը բացել, և տորթը ևս 10 րոպե թողնել ջեռոցում, իսկ հետո հանել և թողնել, որ հովանա:

Պետք է պատրաստել 2 կրեմ:

1-ին կրեմը պատրաստելու համար թավայի մեջ խառնել ձուն և շաքարավազը, ավելացնել եգիպտացորենի օսլան և շարունակել խառնել: Այնուհետև ավելացնել կաթի մի մասը և կրկին խառնել, մինչև միասեռ զանգված կստացվի: Դրանից հետո ավելացնել մնացած կաթը, խառնել և դնել թույլ կրակին: Եփվելու ընթացքում անընդհատ ինտենսիվորեն խառնել (հենց զանգվածը սկսի եռալ, ուրեմն կրեմը պատրաստ է):

Կրեմը լցնել ամանի մեջ, ծածկել սննդային տոպրակով և թողնել, որպեսզի սենյակային ջերմաստիճանի գա:

Օշարակը պատրաստելու համար ջուրը և շաքարավազը խառնել և դնել կրակին, եռացնել: Եռալուց հետո կրակը թուլացնել և ևս 3 րոպե թողնել, որ եփվի: Օշարակը թողնել, որ հովանա, հետո ավելացնել կոնյակը և խառնել:

2-րդ կրեմի համար նախատեսված շոկոլադը ջրային գոլորշու վրա հալեցնել, թողնել, որ հովանա, այդ ընթացքում հարել կարագը: Կարագը հարելուց հետո դրա մեջ ավելացնել, շոկոլադը և հարել:

1-ին կրեմը հովանալուց հետո հարել և դրանից 2 գդալ ավելացնել 2-րդ կրեմի մեջ, այդպես շարունակել, մինչև 1-ին կրեմը կվերջանա:

Տորթի ուռուցիկ մասը կտրել և փշրել վերջում տորթը ձևավորելու համար: Տորտի մնացած մասը բաժանել 2 հավասար մասերի: Յուրքանչյուր շերտ օշարակով թրջել, հետո հաստ շերտով քսել կրեմը և ձևավորել փշրանքներով, իսկ վրան կակաո շաղ տալ: Մի քանի ժամ թողնել, որ կրեմը և օշարակը ներծծվեն և վայելել տորթը:

 

Բարի ախորժակ