Կաթնաշոռային անուշաբույր թխվածքաբլթիներ

Բաղադրությունը

• 400 գ կաթնաշոռ,

• 200 գ կարագ,

• 300 գ ալյուր,

• 10 գ կամ մեկ տուփ փխրեցուցիչ,

• 7-8 ճաշի գդալ շաքարավազ:

Պատրաստման եղանակը

Հալեցնել կարագը և լցնել կաթնաշոռի վրա, խառնել, իսկ հետո ճզմել:

200գ ալյուրը մաղով անցկացնել, ավելացնել զանգվածի վրա: Այնուհետև ավելացնել փխրեցուցիչը և լավ խառնել, իսկ երբ պնդանա, ձեռքերով տրորել, ավելացնել ալյուր մնացած մասը՝ 100 գ, և շարունակել լավ տրորել խմորը:

Խմորը բաժանել 2 մասի, ծածկել սննդային տոպրակով և մոտ 30 րոպե դնել սառնարանում:

Առանձին ամանի մեջ լցնել շաքարավազը: Խմորը գրդնակել (հաստությունը 2-3 մմ), բաժակով շրջաններ կտրել:

Յուրաքանչյուր շրջանը թաթախել շաքարավազի մեջ, մեջտեղից ծալել, հետո կրկին շաքարավազի մեջ թաթախել, կրկին մեջտեղից ծալել ու ևս մեկ անգամ թաթախել շաքարավազի մեջ:

Թավայի հատակին յուղաթուղթ փռել, և վրան շարել բլիթները:

Թխել 15 րոպե 210 ջերմաստիճանում:

Բարի ախորժակ