Պարզ բաղադրատոմս փափուկ և համեղ տորթի համար

Խտացրած կաթով տորթ

40 րոպե

Բաղադրիչներ

• 140 գ ալյուր
• 100 գ կարագ
• 2 հատ ձու
• 1 տուփ խտացրած կաթ
• 1/2 թեյի գդալ սոդա
• 2 թեյի գդալ կակաո
• 400 գ թթվասեր (կրեմի համար)
• 200 գ շաքարավազ (կրեմի համար)

Պատրաստման եղանակը

1 Հալեցրած կարագը և խտացրած կաթը խառնել:

2 Այս զանգվածին ավելացնել 2 հատ ձու, և ձեռքի հարիչի օգնությամբ հարել/խառնել:

3 Ալյուրը մաղել, ավելացնել ստացված զանգվածի վրա ու խառնել:

4 Սոդան հանգցնել լիմոնի հյութի միջոցով, լցնել զանգվածի մեջ և կրկին խառնել:

5 Ջեռոցի ամանը ծածկել յուղաթղթով, խմորի 2/3 մասը լցնել ու տարածել թավայի մի մասում:

6 Մնացած՝ 1/3 մասի մեջ կակաո լցնել, խառնել և կրկին լցնել ջեռոցի ամանի ազատ մնացած հատվածում, հավասարաչափ տարածել:

7 Թխել 180 ջերմաստիճանում 10 րոպե:

8 Կրեմը պատրաստելու համար հարել բարձր յուղայնությամբ թթվասերը և շաքարավազը կամ շաքարի փոշին:

9 Պատրաստի խմորը հանել ջեռոցից, սպիտակ և սև խմորը միմյանցից կտրել, կողքերը հավասարեցնել:

10 Սպիտակ խմորը բաժանել 2 մասի:

11 Շերտերին կրեմ քսել:  Մեջտեղի շերտին և վերևի շերտին կրեմը քսել 2 կողմից էլ:

12 Տորթը ձևավորել փշրանքներով:

Կիսվել Facebook-ում