Փափլիկ փքաբլիթներ

2 ժամ

Բաղադրիչներ

600 գ ալյուր
260 մլ կաթ
2 հատ ձու
100 գ կարագ
50 գ շաքարավազ
1 ճաշի գդալ խմորիչ
1 թեյի գդալ աղ
վանիլ
ձեթ (տապակելուհամար)
շաքարի փոշի

Պատրաստման եղանակը

1 Ալյուրը, փափուկ կարագը, խմորիչը, շաքարավազը, աղը, ձուն, կաթը և վանիլը լցնել խոր ամանի մեջ և խառնել:

2 Խմորը կարելի է հարիչով հարել կամ ձեռքերով տրորել: Հարիչով հարելու դեպքում մոտ 2-3 րոպե զանգվածը հարել ամենացածր արագությամբ, իսկ դրանից հետո մոտ 10 րոպե՝ միջին արագությամբ:

3 Ստացվում է փափուկ, էլաստիկ և ձեռքերին չկպչող խմոր:

4 Խմորից մեծ գունդ պատրաստել, դնել խորը ամանի մեջ, ծածկել սննդային տոպրակով կամ սրբիչով և դնել տաք վայրում այնքան, մինչև խմորի ծավալը 2-3 անգամ կմեծանա: Ամանի մեջ կարելի է նախապես ձեթ քսել, որպեսզի խմորը չկպչի:

5 Գնդի վրա ալյուր ցանել և գրտնակել մոտ 1.5 սմ հաստությամբ:

6 Գրտնակված խմորից շրջաններ կտրել բաժակի կամ հատուկ իրի միջոցով: Ստացված շրջաններից յուրաքանչյուրի մեջտեղի հատվածում ևս անցք բացել: Փոքր անցքը ստանալու համար կարելի է խմորը կրկին կտրել ավելի փոքր բաժակի օգնությամբ:

7 Փքաբլիթները դնել թավայի մեջ և կրկին որևէ տաք վայրում տեղավորել մոտ 30 րոպե:

8 Փքաբլիթները տապակել առատ ձեթի մեջ:

9 Տապակելուց հետո փքաբլինթերը դնել թղթե անձեռոցիկի վրա, որպեսզի ավելորդ ձեթը դուրս գա:

10 Մի փոքր հովանալուց հետո փքաբլինթերի վրա շաքարի փոշի շաղ տալ և մատուցել: