Ցուրտ օրերը ջերմացրեք մեկ բաժակ տաք թեյով և համեղ շոկոլադե տորթով: Շոկոլադե տորթ` սերուցքային կրեմով

Բաղադրիչներ

Խմորի համար`

120 գ ալյուր

30 գ կակաո

1 թ/գ փխրեցուցիչ

3 ձու

180 գ շաքարավազ

50 մլ կաթ

50 մլ ձեթ

աղ

Կրեմի համար`

33% 300 մլ սերուցք

170 գ սերուցքային պանիր

3-4 ճ/գ շաքարի փոշի

1 ճ/գ կակաո

Շոկոլադե կրեմի համար`

40 գ կակաո

50 գ շաքարավազ

200 մլ կաթ

20 գ կարագ

Կաղապարի չափը` 26 սմ

Պատրաստման եղանակը

3 ձվին ավելացնել մի պտղունց աղ և լավ հարել: Մաս-մաս ավելացնել շաքարավազ և լավ հարել

Ավելացնել կաթ, ձեթ` հարել: Ավելացնել կակաո, ալյուր, փխրեցուցիչ և լավ խառնել

Կաղապարի ներսը պատել ձեթով, ստացված զանգվածը լցնել և դնել 170°С տաքացրած ջեռոցում 35-40 րոպե

Կրեմի պատրաստման համար անհրաժեշտ է սերուցքին ավելացնել սերուցքային պանիր, շաքարի փոշի և լավ հարել: Ավելացնել կակաո` խառնել

Շոկոլադե կրեմի համար անհրաժեշտ է կակաոյին ավելացնել շաքարավազ, կաթ, լավ խառնել, դնել կրակին, անընդհատ խառնելով եփել այնքան, մինչև եռա, որից հետո թողնել ևս 1 րոպե և վերցնել կրակից: Ավելացնել կարագ, ապա թողնել սառչի

Բիսկվիթը շրջել հակառակ կողմի վրա, մի քանի տեղից փայտիկով ծակծկել, թրջել կաթով, լցնել ստացված կրեմը

Ավելացնել շոկոլադե կրեմը և 2 ժամ թողնել սառնարանում

Մատուցելու ժամանակն է )))

Բարի ախորժակ