Ցանկանու՞մ եք առանց մսի կոտլետներ պատրատել: Այս բաղադրատոմսը Ձեզ համար է

Բաղադրությունը

• 180-200 գ վարսակի փաթիլներ,

• 250 գ կարտոֆիլ,

• 1 հատ սոխ,

• 2-3 ատամիկ սխտոր,

• 250-300 մլ տաք ջուր,

• աղ,

• պղպեղ,

• կանաչի,

• ձեթ:

Պատրաստման եղանակը

Արագ եփվող վարսակի փաթիլների վրա տաք ջուր լցնել, խառնել ու թողնել 15 րոպե:

Սոխը և սխտորը էլեկտրական հարիչով հարել, կամ քերիչով անցկացնել: Կանաչին մանր կտրատել կամ  հարել սոխի, սխտորի հետ:

Այս զանգվածն ավելացնել վարսակի փաթիլների մեջ, խառնել, այնուհետև ավելացնել քերիչով անցկացված կարտոֆիլը, աղը, պղպեղը ու կրկին լավ խառնել:

Ստացված զանգվածից կոտլետներ ձևավորել և տապակել 2 կողմից քիչ ձեթով:

Քանի որ կարտոֆիլը հում վիճակով էր, երբ արդեն կոտլենտերը տապակված կլինեն, թավայի մեջ մի փոքր ջուր ավելացնել, կափարիչով ծածկել և մի փոքր շոգեխաշել:

Բարի ախորժակ