Տորթ «Արջուկ»: Բոլորիս կողմից սիրված տորթերի շարքից

Բաղադրությունը

• Խմոր

400 գ ալյուր,

1 բաժակ թթվասեր,

2 թեյի գդալ փխրեցուցիչ,

150 գ շաքարավազ,

2 ճաշի գդալ կակաո,

1 տուփ վանիլին:

• Կրեմ

500 գ թթվասեր,

180-200 գ շաքարավազ,

1 բաժակ ընկույզ (շերտերի համար):

Եթե թթվասերը շատ յուղոտ է, ապա տորթը պատրաստելուց 2 ժամ առաջ պետք է մի քանի շերտ կտորի օգնությամբ (марля) առանձնացնել ավել հեղուկը:

• Գլազուր

6 ճաշի գդալ շաքարավազ,

4 ճաշի գդալ կակաո,

100 գ կարագ,

4 ճաշի գդալ կաթ:

Պատրաստման եղանակը

Թթվասերին ավելացնել շաքարավազը, վանիլինը, փխրեցուցիչը և լավ խառնել:

Ստացված զանգվածը բաժանել 2 հավասար մասի: 1-ին մասին ավելացնել 220 գ ալյուր, իսկ 2-րդ մասին՝ 180 գ ալյուր և կակաո: Լավ խառնել: Ստացվում է պինդ և ձեռքերին չկպչող խմոր:

Ամեն գունդը բաժանել 3 հավասար մասերի, տացվում է 6 մաս:

Թխելու համար օգտագործել միայն ձևամանի հատակը (20-22 սմ), վրան անպայման կարագ քսել: Խմորը կարելի է հենց ձեռքով տարածել գրտնակելու փոխարեն: Տարածելուց հետո խմորը պատառաքաղով ծակծկել և ուղարկել ջեռոցը: Թխել 7-10 րոպե 200 ջերմաստիճանում:

Պատրաստ լինելուց հետո թողնել, որ շերտերը հովանան: Այդ ընթացքում պատրաստել կրեմը՝ միասին հարելով թթվասերը և շաքարավազը:

Տորթը հավաքել սև և սպիտակ շերտերի հաջորդականությամբ, յուրաքանչյուր շերտին, բացի՝ ամենավերջին շերտից, կրեմ քսել, և մանրեցրած ընկույզ շաղ տալ:

Պատրաստել գլազուրը և հենց այդպես տաք վիճակում լցնել տորթի վրա, հավասարեցնել ու կրկին ընկույզ շաղ տալ:

Տորթը 8-10 ժամ թողնել սառնարանում, որպեսզի կրեմը ներծծվի:

Բարի ախորժակ