Տորթն ուղղակի ֆանտաստիկ համեղ ու գեղեցիկ է ստացվում: Սալորաչրով և գետնանուշով` շոկոլադե տորթ

Բաղադրիչներ

2 ձու

աղ

200 գ շաքարավազ

10 գ վանիլային շաքարավազ

250 մլ կեֆիր կամ յոգուրտ

300 գ ալյուր

50 գ կակաո

2 թ/գ փխրեցուցիչ

Կրեմի համար`

50 գ ընկույզեղեն (գետնանուշ)

100 գ սալորաչիր

200 գ կարագ

380 գ խտացրած կաթ

50 մլ տաք ջուր

2 ճ/գ շաքարի փոշի

1 ճ/գ կոնյակ

Կաղապարի չափը` 20 սմ

Պատրաստման եղանակը

2 ձվին ավելացնել մի պտղունց աղ, շաքարավազ, վանիլային շաքարավազ և լավ խառնել: Ավելացնել կեֆիր կամ յոգուրտ

Մաս-մաս ավելացնել ալյուրն ու կակաոն, փխրեցուցիչը և լավ խառնել

Կաղապարի մեջ յուղաթուղթ փռել, ստացված խմորը լցնել և դնել 180°С տաքացրած ջեռոցում 45-50 րոպե

Կիսել 2 անհավասար մասերի

50 մլ տաք ջրին ավելացնել 2 ճ/գ շաքարի փոշի, 1 ճ/գ կոնյակ և դրանով թրջել բիսկվիթի հարթ հատվածը

Մյուս մասը խորանարդաձև կտրատել

Կրեմը պատրաստելու համար անհրաժեշտ է կարագը հարել, ավելացնել խտացրած կաթ և շարունակել հարել

Ավելացնել կտրատած գետնանուշն ու սալորաչիրը

Խորանարդաձև կտրատած բիսկվիթը լցնել կրեմի մեջ և լավ խառնել (ավելացրե նաև մնացած հեղուկը, որով թրջել եք բիսկվիթը)

Լցնել թրջած բիսկվիթի վրա, ծածկել սննդային պոլիէթիլենով և 4 ժամ թողնել սառնարանում (ցանկալի է 1 գիշեր)

Կարող եք զարդարել կակաոյով և մատուցել )))

Բարի ախորժակ