Սմբուկով հետաքրքիր ուտեստ

Բաղադրությունը

• 1 կգ սմբուկ,

• 2 հատ քաղցր բիբար,

• 1 հատ սոխ,

• 4 ատամիկ սխտոր

Մարինադ

• 1 բաժակ ջուր,

• 3 ճաշի գդալ խնձորի քացախ,

• 1-2 թեյի գդալ աղ,

• 1 թեյի գդալ շաքարավազ,

• 3 հատ հատիկավոր սև պղպեղ,

• 1 հատ դափնու տերև:

Պատրաստման եղանակը

Նախ պատրատել մարինադը: Դրա համար խորը ամանի մեջ ջուր լցնել, ավելացնել աղ, շաքարավազ, քացախ,դափնու տերև, հատիկավոր պղպեղ ու դնել կրակին: Եռալուց հետո ևս մեկ րոպե թողնել, որ եռա, վերցնել կրակի վրայից և թողնել, որ հովանա:

Սմբուկի կեղևը մաքրել, կտրատել ու մաս-մաս տապակել այնքան ժամանակ մինչև կփափկի:

Քացր պղպեղը և սոխը կտրատել ու ավելացնել տապակված սմբուկի վրա, վրան ճզմված սխտոր ավելացնել ու լավ խառնել:

Զանգվածի վրա լցնել մարինադը, ծածկել ամանի կափարիչով և 1 օր այպես թողնել: Ընթացքում գոնե 2 անգամ խառնել, որպեսզի մարինադը հավասարաչափ տարածվի:

Բարի ախորժակ