Պարզապես շա՜տ գեղեցիկ, համեղ ուտեստ: Լցոնած լոլիկ` ջեռոցում

Բաղադրիչներ

2 մեծ լոլիկ

1 գլուխ փոքր սոխ

200 գ աղացած միս

ձիթայուղ

½ պղպեղ

աղ

0,5 թ/գ սև և քաղցր պղպեղներ

0,5 թ/գ կոճապղպեղ

0,5 թ/գ քրքում

օրեգանո

1 թ/գ տոմատի մածուկ

մաղադանոս

2 ատամիկ սխտոր

պանիր

Պատրաստման եղանակը

Լոլիկների միջուկները հանել

Սոխը խորանարդաձև կտրատել, ձիթայուղով տապակել, ավելացնել խորանարդաձև կտրատած պղպեղը և 4 րոպե թողնել կրակին

Ավելացնել աղացած միս, լոլիկների հանած միջուկը, աղ, սև և կարմիր պղպեղներ, կոճապղպեղ, քրքում, լավ խառնել և թողնել 5 րոպե

Ավելացնել տոմատի մածուկ, մաղադանոս, մանրացրած սխտոր և վերցնել կրակից

Լոլիկների մեջ մի քիչ քերած պանիր լցնել, այնուհետև ստացված խճողակով լցոնել

Հրակայուն տարայի մեջ ձեթ քսել, լոլիկների վերևի կտրած հատվածը դնել, իսկ դրանց վրա` լցոնած լոլիկները: Դնել 180°С տաքացրած ջեռոցում 20 րոպե

Հանել, ավելացնել քերած պանիր, մի քիչ ձիթայուղ, օրեգանո և ևս 10 րոպե թողնել ջեռոցում

Մատուցելու ժամանակն է )))

Բարի ախորժակ