Շոկոլադե-սրճային տորթ

Բաղադրությունը

• Խմոր

3 հատ ձու,

150 գ շաքարավազ,

10 գ վանիլին,

60 գ կաթ,

4 ճաշի գդալ ձեթ,

110 գ ալյուր,

30 գ կակաո,

1 թեյի գդալ փխրեցուցիչ,

1/3 թեյի գդալ սոդա,

1/3 թեյի գդալ աղ:

• Օշարակ (խմորը թրջելու համար)

200 մլ թունդ սուրճ,

2-3 ճաշի գդալ շաքարավազ:

• Կրեմ

500 մլ սերուցք (33%),

120 մլ թունդ սուրճ,

3-4 ճաշի գդալ շաքարավազ:

Պատրաստման եղանակը

Ձուն և աղը մոտ 1 րոպե հարել, ավելացնել շաքարավազը, վանիլինը և ևս 10 րոպե հարել:

Այնուհետև ավելացնել ձեթը, կաթը ու կրկին հարել մոտ 30 վայրկյան:

Ալյուրը, կակաոն, փխրեցուցիչը և սոդան առանձին խառնել, 2 մասով ավելացնել զանգվածի վրա՝ մաղով անցկացնելով, ու լավ խառնել:

Խմորը լցնել ձևամանի մեջ (20-22 սմ): Ձևամանի հատակը և կողքերը յուղաթղթով ծածկել:

Թխել 175 ջերմաստիճանում 40-45 րոպե:

Պատրաստի տորթը թողնել, որ հովանա, հետո բաժանել 3 հավասար մասերի:

Կրեմը պատրաստելու համար նախ հարել սառը սերուցքը, ապա առանձին սուրճ պատրաստել՝ 3-4 ճաշի գդալ շաքարավազով: Սուրճով պատրաստված օշարակը թողնել, որ հովանա, հետո մաս-մաս ավելացնել սերուցքի վրա: Ամեն անգամ օշարակը ավելացնելիս շատ կարճ հարել:

Սերուցքը երկար հարել հարկավոր չէ: Սկզբից մինչև վերջ հարելու ժամանակը պետք է կազմի մոտ 5 րոպե:

Պատրաստել օշարակ խմորը թրջելու համար և թողնել, որ հովանա:

Տորթը հավաքելիս յուրաքանչյուր շերտին օշարակ և կրեմ քսել: Ձևավորել կակաոյով, նախաճաշի գնդիկներով կամ էլ ըստ ցանկության:

Բարի ախորժակ