Շատ գեղեցիկ, փափուկ, նրբահամ թխվածք, որը կզարդարի ձեր թեյի սեղանն ու թեթև տրամադրություն կհաղորդի ձեզ: Շոկոլադե-վանիլային թխվածք

Բաղադրիչներ

4 ձու

¼ թ/գ աղ

½ թ/գ վանիլին

60 մլ կաթ

50 մլ ձեթ

65 գ ալյուր

10 գ կակաո

1 թ/գ կիտրոնի հյութ

70 գ շաքարավազ

Շոկոլադ

Կաղապարի չափը` 16*16* 7 սմ

Պատրաստման եղանակը

Ձվերի դեղնուցներն ու սպիտակուցներն առանձնացնել

Դեղնուցներին ավելացնել ¼ թ/գ աղ, ½ թ/գ վանիլին, 60 մլ կաթ, 50 մլ ձեթ և լավ խառնել

Ավելացնել ալյուր, լավ խառնել, ապա ստացված զանգվածը բաժանել 2 մասի

1 մասին ավելացնել կակո, ½ ճ/գ կաթ և լավ խառնել

Ձվի սպիտակուցներին ավելացնել, 1 թ/գ կիտրոնի հյութ և լավ հարել` ընթացքում մաս-մաս ավելացնելով շաքարավազ: Բաժանել 2 մասի

Մի մասն ավելացնել շոկոլադե զանգվածին և լավ խառնել

Մյուս մասն ավելացնել խմորի 2-րդ մասին և դարձյալ լավ խառնել

Կաղապարի մեջ յուղաթուղթ փռել, լցնել շոկոլադե զանգվածը

Ավելացնել սպիտակ զանգվածը և փայտիկով՝ շրջանաձև շարժումներով նախշել

Շոկոլադե կտորներ շարել

Ջեռոցի թավայի մեջ ջուր լցնել (մոտ 1 սմ բարձրությամբ) և կաղապարը դնել նրա մեջ: Թողնել 160°С տաքացրած ջեռոցում 70 րոպե

Պատրաստ է )))

Բարի ախորժակ