Նուրբ և թարմ աղանդեր՝ առանց եփելու

Բաղադրությունը

• 100 գ տարբեր հատապտուղներ,

• 20 գ ժելատին,

• 500 մլ հատապտղային հյութ (կոմպոտ),

• 50 մլ ջուր,

• վանիլին՝ ըստ ցանկության:

Պատրաստման եղանակը

Ժելատինը լցնել բաժակի մեջ, վրան սենյակային ջերմաստիճանի ջուր լցնել և 10-15 րոպե թողնել:

Հատապտուները, ըստ ցանկության, կտրել կամ ամբողջական թողնել:

Ձևամանի մեջ ջուր ցանել (շաղ տալ), փռել սննդային տոպրակը, և այդպես դնել սառնարանում:

Ժելատինը տաքացնել: Դրա համար այն 30 վայրկյան դնել միկրոալիքային վառարանում:

Տաք ժելատինը լցնել կոմպոտի մեջ և լավ խառնել, մինչև միասեռ զանգված կդառնա:

Սառը ձևամանի մեջ լցնել կոմպոտով և ժելատինով զանգվածի մի մասը, հատապտուղների մի մասը և հավասարաչափ տարածել: Այսպես մի քանի անգամ կրկնել, մինչև կվերջանան հատապտուղներն ու կոմպոտը, սակայն վերջում անպայման լցնել կոմպոտը:

Աղանդերը դնել սառնարանում 4-5 ժամ:

Ժամեր անց աղանդրեը հանել ձևամանից և դնել մատուցվող ամանի մեջ:

Բարի ախորժակ