Նոր համեղ աղցան եք փնտրու՞մ

Բաղադրությունը

• 400 գ կարմիր լոբի,

• 300 գ պահածոյացված շամպինիոն,

• 300 գ հավի կրծքամիս,

•  50 գ ընկույզ,

• 1 հատ սոխ,

• 2 ճաշի գդալ մայոնեզ,

• 1 թեյի գդալ կարրի համեմունք,

• 1 փունջ սամիթ,

• աղ:

Սոխը մարինացնելու համար

• 0.5 բաժակ տաք ջուր,

• 2 ճաշի գդալ 9% քացախ,

• 1 թեյի գդալ շաքարավազ,

• 0.5 թեյի գդալ աղ:

Պատրաստման եղանակը

Լոբին նախապես խաշել:

Հավի կրծքամիսը լվանալ, վրան աղ և կարրի համեմունք քսել և ձեթի մեջ տապակել 2 կողմից այնքան, մինչև ոսկեգույն ծածկույթ կունենա (մոտ 2-3 րոպե):

Երբ միսը 2 կողմից ոսկեգույն կլինի թավայի մեջ 0.5 բաժակ ջուր ավելացնել և 15-20 րոպե շոգեխաշել: Հովանալուց հետո հավի կրծքամիսը խորանարդներով կտրատել:

Սոխը մարինացնելու համար սոխը, շաքարավազը, աղը, քացախը և տաք ջուրը խառնել այնքան, մինչև շքարավազը և աղը կլուծվեն: Դրանից եհտո 15 րոպե թողնել, որ սոխը մարինացվի:

Այնուհետև ընկույզը չոր թավայի մեջ մի փոքր տապակել, հեռացնել կեղևը արքան հնարավոր է և մանր կտրատել:

Սունկը և սամիթը կտրատել:

Միավորել բոլոր բաղադրիչները՝ լոբին, ընկույզը, սունկը, հավի կրծքամիսը, սոխը և սամիթը, համեմել մայոնեզով և խառնել:

Բարի ախորժակ