Մշտապես մոռանու՞մ եք էկլերների պատրաստման բաղադրատոմսը` ահա այն: Էկլերի պատրաստում` եփովի կրեմով

Բաղադրիչներ

1 բաժակ ջուր

1 բաժակ ալյուր

4 ձու

150 գ կարագ կամ մարգարին

1 թ/գ աղ

3 ճ/գ շաքարավազ

Բաժակի չափը-250մլ

Կրեմի պատրաստման համար`

150 գ շաքարավազ

3 թ/գ ալյուր

1,05 բաժակ կաթ

100 գ կարագ

Պատրաստման եղանակը

Կաթսայի մեջ լցնել կարագը, ավելացնել աղ, շաքարավազ, ջուր, դնել գազօջախին` խառնելով հասցնել եռման աստիճանի

Եռացող զանգվածի մեջ ավելացնել ալյուր, 2-3 րոպե լավ խառնել և վերցնել կրակից

Թողնել հանգստանա, այնուհետև մեկ-մեկ ավելացնել ձվերը և լավ հարել (յուրաքանչյուրը 5-6 րոպե)

Ջեռոցի տապակին մի քիչ կարագ քսել, ալյուր շաղ տալ, այնուհետև ստացված խմորը լցնել խոհարարական պարկի մեջ, էկլերներ ձևավորել և դնել 240°С տաքացրած ջեռոցում 30 րոպե

Կրեմի պատրաստման համար անհրաժեշտ է շաքարավազին ավելացնել ալյուր, կաթ և լավ խառնել: Դնել գազօջախին, անընդհատ խառնել (մոտ 10 րոպե)

Ավելացնել կարագ, խառնել, հենց հալչի` վերցնել կրակից և թողնել սառչի

Արդեն պատրաստ էկլերները հանել, թողնել սառչի, այնուհետև փոքրիկ անցք անել, կրեմ լցնել և պատել շոկոլադե ջնարակով

Մատուցելու ժամանակն է )))

Բարի ախորժակ