Ճաշին մատուցեք այս համեղ ապուրն ու ձեր սիրելիները կլինեն կուշտ և էներգիայով լեցուն: Սմբուկով ապուր

Բաղադրիչներ

1 հատ սմբուկ

1-2 հատ լոլիկ

1-2 ատամիկ սխտոր

2 ճ/գ 20% թթվասեր

400 գ տավարի կամ հավի միս

1 գլուխ սոխ

1 հատ գազար

30 գ կարագ

1 բուլղարական պղպեղ

2 կարտոֆիլ

1 թ/գ աղ

սև և կարմիր պղպեղներ, չորացրած ռեհան, օրեգանո, համեմի աղացած սերմ (համեմունքներն` ըստ ճաշակի )

եռման ջուր

Պատրաստման եղանակը

Սմբուկը խորանարդաձև կտրատել, տապակել: Հենց ոսկեգույն երանգ ստանա` ավելացնել խորանարդաձև կտրատած լոլիկը: Անընդհատ խառնելով թողնել 1 րոպե, այնուհետև ավելացնել մանրացրած սխտոր, թթվասեր, խառնել և վերցնել կրակից

Միսը տապակել մինչև պատրաստ լինելը

Ավելացնել խորանարդաձև կտրատած սոխ, գազար, թողնել 3 րոպե, ապա ավելացնել կարագ, խորանարդաձև կտրատած պղպեղ, կարտոֆիլ, լավ խառնել

Ավելացնել եռման ջուր, ծածկել կափարիչն ու թողնել միջին ջերմության կրակին 10 րոպե

Ավելացնել տապակած բանջարեղենը, 1 թ/գ աղ, սև և կարմիր պղպեղներ, չորացրած ռեհան, օրեգանո, համեմի աղացած սերմ, լավ խառնել, թողնել 5 րոպե

Կարող եք մատուցել )))

Բարի ախորժակ