Հրաշք տորթ շոկոլադե թխվածքների սիրահարների համար

Բաղադրությունը

• Խմոր

4 հատ ձու,

160 գ ալյուր,

160 գ շաքարավազ,

25 գ կակաո,

100 գ ձեթ,

80 մլ ջուր,

2 թեյի գդալ փխրեցուցիչ,

1 պտղունց աղ:

• Կրեմ

400 մլ սերուցք (30%),

200 գ մուգ շոկոլադ:

• Շոկոլադե ծածկույթ (ջնարակ)

2 ճաշի գդալ կակաո,

4 ճաշի գդալ կաթ,

3-4 ճաշի գդալ շաքարավազ,

50 գ կարագ:

• Օշարակ

100 մլ սուրճ

Պատրաստման եղանակը

Շաքարավազը (բացառությամբ՝ մոտ 2 ճաշի գդալի), ջուրը, ձեթը և կակաոն խառնել և եփել:

Ձուն հարել, մաս-մաս ավելացնել շաքարավազը՝ աստիճանաբար ավելացնելով հարիչի արագությունը:

Ավելացնել աղ, և մաս-մաս ավելացնել եփված զանգվածը՝ անընդհատ հարելով:

Ալյուրի մեջ ավելացնել փխրեցուցիչը, մաղով անցկացնել և 2-3 մասով ավելացնել ստացված զանգվածի մեջ ու խառնել:

Ստացվում է միջին խտության խմոր:

Ձևամանի (30սմ), հատակին յուղաթուղթ փռել, խմորը լցնել մեջը  և թխել 180 ջերմաստիճանում մոտ 35 րոպե:

Կրեմը պատրաստելու համար սերուցքը լցնել ամանի մեջ ու տաքացնել՝ անընդհատ խառնելով: Վերցնել կրակի վրայից, ավելացնել շոկոլադը ու 5 րոպե թողնել: Այնուհետև խառնել, մինչև միասեռ զանգված կստացվի, ապա թողնել, որ սենյակային ջերմաստիճանի դառնա և նոր մի քանի ժամ դնել սառնարանում:

Երբ կրեմը լավ սառը կլինի, 1-2 րոպե հարել:

Պատրաստի և հովացած խմորը բաժանել 3 մասի: Յուրաքանչյուր շերտին կրեմ և օշարակ քսել, և տորթը դնել սառնարանում:

Ջնարակը պատրաստելու համար շաքարավազը, կակաոն և կաթը խառնել, դնել միջին կրակին և հասցնել եռման վիճակի, այնուհետև անջատել, մեջը կարագ ավելացնել ու լավ խառնել:

Ջնարակը լցնել տորթի վրա, վրան շոկոլադներով ձևավորել, և տորթը մի քանի ժամ դնել սառնարանում:

Բարի ախորժակ