Հումուս

Բաղադրիչներ

1 բաժակ սիսեռ
0.5 բաժակ քունջութ
1 հատ լիմոն
3-4 ատամիկ սխտոր
ձիթապտղի ձեթ
աղ
կարմիր պղպեղ
սև պղպեղ
համեմ

Պատրաստման եղանակը

1 Սիսեռը նախապես գիշերը թրջել:

2 Սիսեռը լավ խաշել, իսկ խաշելուց հետո կլեպը հանել:

3 Թահինը կարելի է գնել խանութից կամ պատրաստել: Պատրաստելու համար չոր թավայի մեջ լցնել քունջութը և տապակել այնքան, որ մի փոքր գույնը փոխի: Այնուհետև քունջութի մեջ մի փոքր ջուր լցնել և էլեկտրական հարիչով՝ բլենդերով, հարել:

4 Սիսեռի մեջ մի փոքր իր ջրից ավելացնել և հարել:

5 Սիսեռով զանգվածի մեջ ավելացնել թահինը, սխտորը, սև և կարմիր պղպեղը, աղը, ձիթապտղի ձեթը, լիմոնի հյութը և կրկին հարել:

6 Հումուսը մատուցելիս վրան համեմ, ձեթ, քունջութ, սև և կարմիր պղպեղ շաղ տալ: