Հոգնել եք ամենօրյա նույնանման ուտեստների՞ց, ահա հետաքրքիր, համեղ բաղադրատոմս, որը պատրաստելու համար շատ ջանքեր չեք գործադրի: Բանջարեղենով և մսով ռուլետներ` ջեռոցում

Բաղադրիչներ

500 գ աղացած միս

2 ատամիկ սխտոր

2 գլուխ սոխ

համեմ

աղ

1 թ/գ համեմի աղացած սերմ

սև և կարմիր պղպեղներ

1 գազար

1 պղպեղ

1 լոլիկ

3 հատ շրջանաձև լավաշ

Պատրաստման եղանակը

Աղացած մսին ավելացնել 1 գլուխ մանրացրած սոխ, սխտոր, համեմ, 1 թ/գ աղ, 0,5 թ/գ սև պղպեղ, համեմի աղացած սերմ, լավ խառնել, ծածկել և թողնել 30 րոպե

1 գլուխ սոխ կտրատել, 2 րոպե տապակել, ավելացնել քերած գազար, թողնել 3 րոպե, ավելացնել խորանարդաձև կտրատած պղպեղ, թողնել 3 րոպե, համեմել աղով, սև և կարմիր պղպեղներով

Ավելացնել լոլիկ (նախապես հեռացնել կեղևը), ծածկել կափարիչն ու թողնել 10 րոպե

Լավաշի վրա 2 ճ/գ միս դնել, ռուլետի պես փաթաթել, բաժանել 4 հավասար մասերի

Տապակած բանջարեղենի մի մասը լցնել հրակայուն տարայի մեջ, ավելացնել ռուլետները, ապա բանջարեղենի 2-րդ մասը: Ծածկել փայլաթիթեղով և դնել 200°С տաքացրած ջեռոցում 40-45 րոպե

Կարող եք մատուցել )))

Բարի ախորժակ