Էկլեր

Այս էկլերները հիանալի համ ունեն, թեթև են և փխրուն:

Բաղադրիչներ

Խմոր

150 մլ կաթ
150 մլ ջուր
150 գր կարագ
200 գր ալյուր
6–7 հատ ձու
0.5 թեյի գդալ աղ

Կրեմ

320 մլ կաթ
80 գր շաքարավազ
30 գր կարագ
30 գր օսլա
2 հատ ձու
500 մլ սերուցք (33-35%)
1.5 թեյի գդալ ժելատին
60 մլ ջուր
1 պտղունց աղ
վանիլին

Լրացուցիչ

շոկոլադ (ըստ ցանկության)

Պատրաստման եղանակը

Եփովի կրեմ

1 40 գր շաքարավազը և օսլան խառնել, ավելացնել 100մլ կաթ, ձու և լավ հարել:

2 Առանձին թավայի մեջ լցնել 220 մլ կաթ, 40 գր շաքարավազ, մի փոքր աղ և եփել մինչև եռալը: Այս զանգվածը աստիճանաբար ավելացնել նախորդ խառնուրդին, անընդհատ խառնել և նորից լցնել թավայի մեջ:

3 Եփել ցածր կրակի վրա, մինչև զանգվածի խտանալը, հանել կրակի վրայից, ավելացնել կարագ և խառնել 1–2 րոպե: Ստացված կրեմային զանգվածը անցկացնել մաղով:

Կրեմ

1 Ժելատինը և ջուրը խառնել, թողնել մոտ 10 րոպե: Դնել կրակին և եփել մինչև ժելատինի լուծվելը:

2 Տաք ժելատինը ավելացնել կրեմային զանգվածին, լավ խառնել, փակել սննդային տոպրակով և թողնել, որ սառչի:

3 Սերուցքին ավելացնել վանիլին և հարել, մինչև որ փրփրի: Ստացված զանգվածը երկու մասի բաժանել, մաս–մաս ավելացնել եփովի կրեմին և զգուշությամբ խառնել:(խառնել միայն մեկ ուղղությամբ)

Խմոր

1 Թավայի մեջ լցնել ջուր, կաթ, կարագ, եփել մինչև եռալը, այնուհետև ավելացնել աղ: Խառնել մինչև կարագի հալվելը:

2 Ավելացնել ալյուրը և լավ խառնել: Խմորը պետք է չկպչի թավայի պատերին: (եփել միջին կրակի վրա)

3 Հանել թավայի միջից և հարիիչով հարել մոտ 2–3 րոպե (ցածր արագությամբ), այնուհետև մեկ–մեկ ավելացնել ձուն և հարել մինչև համասեռ դառնալը:

4 Խմորը լցնել խոհարարական պարկի մեջ, ձևամանը ծածկել յուղաթերթով, և վրան մաս–մաս լցնել խմորը: Ձվի դեղնուցը խառնել մի փոքր ջրի հետ և քսել խմորների վրա:

5 Եփել նախապես տաքացրած ջեռոցում մոտ 40 րոպե 180–190°C ջերմաստիճանում:

6 Խոհարարական պարկի օգնությամբ կրեմը լցնել էկլերների մեջ:

7 Շոկոլադը հալեցնել և ձևավորել էկլերները: Կարելի է ձևավորել այլ տարբերակով:

Բարի ախորժակ