Հավի մսով ուտեստ

Այս ուտեստը հիանալի տարբերակ է հյուրերին զարմացնելու համար:

Բաղադրիչներ

6 հատ հավի բդիկ
2 ատամիկ սխտոր
1 ճաշի գդալ բուսական յուղ
2 ճաշի գդալ հալած պանիր
աղ
կծու չիլի պղպեղ
պապրիկա
քրքում

Խմոր

250 գր ալյուր
0.5 թեյի գդալ աղ
0.5 թեյի գդալ շաքարավազ
1 թեյի գդալ փխրեցուցիչ
1 հատ ձու
150 գր թթվասեր
1 ճաշի գդալ բուսական յուղ

Պատրաստման եղանակը

1 Հավի բդիկներին ավելացնել աղ, պապրիկա, չիլի պղպեղ, քրքում, մանրացրած սխտոր և բուսական յուղ: Լավ խառնել, ծածկել և թողնել 30 րոպե:

2 Եփել ջեռոցում մոտ 40 րոպե 180°C ջերմաստիճանում:

3 Խմորի համար ալյուրին խառնել աղ, շաքարավազ և փխրեցուցիչ: Մեկ այլ տարայի մեջ խառնել թթվասերը, բուսական յուղը և ձուն, ավելացնել չոր բաղադրիչներին, և հունցել խմորը:

4 Վրան բուսական յուղ քսել, փակել տարան և դնել մի կողմ:

5 Հավի միսը առանձնացնել ոսկորից, միսը կտրատել, ավելացնել հալած պանիր և խառնել:

6 Խմորը բաժանել 6 մասի, յուրաքանչյուր կտորը ձեռքերով հարթեցնել: Լցնել հավի միսը, մեջտեղում դնել ոսկորը (ըստ ցանկության):

7 Հավաքել խմորի ծայրերը, վրան հարած ձու քսել, ոսկորի ծայրը փակել փայլաթիթեղով:

8 Եփել ջեռոցում մոտ 20 րոպե 180°C ջերմաստիճանում:

Բարի ախորժակ