Յուրահատուկ պելմենիներ

Այս պատրաստման եղանակը կխնայի Ձեր ժամանակը` միաժամանակ գոհացնելով բոլոր համտեսողներին: Ուտեստը կարող եք մատուցել թթվասերով:

1 Ալյուրին խառնել աղը, ավելացնել ձուն և ջուրը: Հունցել խմորը, փակել սննդային տոպրակով և թողնել 15 րոպե:

2 Միջուկի համար սոխը մանր կտրատել, ավելացնել աղացած մսին, համեմել աղով և պղպեղով:

3 Խմորի վրա ալյուր շաղ տալ, գրտնակել և բաժանել երկու մասի: Յուրաքանչյուր մասի վրա քսել աղացած միսը:

4 Փաթաթել և բաժանել կտորների:

5 Կարտոֆիլը կտրատել, քերիչով անցկացնել գազարը, սոխը մանրեցնել:

6 Բուսական յուղի մեջ մի քանի րոպե տապակել սոխն ու գազարը, ավելացնել տոմատի մածուկը, կարտոֆիլը: Մի փոքր ջուր լցնել:

7 Վրան շարել պելմենիները, ջուր ավելացնել և շոգեխաշել փակ կափարիչով միջին կրակի վրա 35–40 րոպե:

Բարի ախորժակ