Հեշտ, արագ և ամենակարևորը հագեցնող կարկանդակ, որը դուր կգա ընտանիքի բոլոր անդամներին

Բաղադրությունը

• 200 գ լավաշ,

• 3 հատ ձու,

• 3 ճաշի գդալ թթվասեր,

• 100 մլ կաթ,

• 150 գ խոզապուխտ,

• 150-200 գ պանիր,

• աղ՝ ըստ ճաշակի,

• կանաչի՝ ըստ ճաշակի:

Պատրաստման եղանակը

Ջարդել 3 ձուն, մի պտղունց աղ ավելացնել, այնուհետև 100 մլ կաթ ու խառնել: Վերջում ավելացնել թթվասերը, կանաչին և կրկին խառնել:

Լավաշը երկար տողաձև կտրատել և լցնել խառնուրդի մեջ, ապա խառնել, որպեսզի լավաշն իր մեջ ներծծի մեր պատրաստած զանգվածը:

Վերցնել ձևամանը, լավաշով ստացված խառնուրդի մի մասը լցնել դրա մեջ, վրան շերտով ավելացնել կտրատված խոզապուխտը, քերիչով անցկացված պանրի մի մասը, հետո կրկին լավաշը և մնացած քերված պանիրը:

Կարկանդակն ուղարկել ջեռոցը և եփել 25 րոպե 200 ջերմաստիճանում:

Բարի ախորժակ