Հայկական գաթայի համն ու բույրը անփոխարինելի է: Յուրաքանչյուր հայ կին պետք է իմանա այս գաթայի պատրաստման եղանակը: Շատ փափուկ և համեղ` մածունով գաթա

Բաղադրիչներ

Խմորի համար`

2 ձու

400 գ մածուն կամ թթվասեր

300 գ կարագ

5-6 բաժակ ալյուր

1 թ/գ սոդա

1 թ/գ վամիլին

Խորիզի համար`

1,5 բաժակ շաքարավազ

1 բաժակ ալյուր

4 ճ/գ ձեթ

1 թ/գ վանիլին

Պատրաստման եղանակը

Խորիզը պատրաստելու համար անհրաժեշտ է 1 բաժակ ալյուրին ավելացնել 1,5 բաժակ շաքարավազ, 1 թ/գ վանիլին, 4 ճ/գ ձեթ, լավ խառնել և թողնել մի կողմ

Խմորը պատրաստելու համար անհրաժեշտ է ալյուրին ավելացնել կարագ՝ ձեռքով տրորել այնքան, մինչև կստացվի համասեռ զանգված

Առանձին տարայի մեջ 2  ձու կոտրել, ավելացնել մածուն, վանիլին, սոդա, լավ խառնել

Ստացված զանգվածն ավելացնել ալյուրին և խմոր հունցել (պետք է ստացվի ձեռքերին չկպչող խմոր), ծածկել և թողնել 30 րոպե

Խմորը բաժանել 4 հավասար մասերի և գնդել

Յուրաքանչյուր գունդը գրտնակել, 1  ձու հարել, խոհանոցային վրձինով տարածել խմորի վրա, խորիզ լցնել և ռուլետի պես փաթաթել

Ձու քսել, պատառաքաղի օգնությամբ ձևավորել և բաժանել մասերի

Տեղափոխել ջեռոցի թավայի մեջ, դնել 210°С տաքացրած ջեռոցում, թողնել այնքան, մինչև գաթաները կստանան ոսկեգույն երանգ

Վայելում ենք տաք թեյի հետ )))

Բարի ախորժակ