Կարտոֆիլից պատրաստված կոտլետներ

Բաղադրությունը

• 6-7 հատ խաշված կարտոֆիլ,

• 150 գ սունկ,

• 1 հատ սոխ,

• 1 հատ փոքր գազար,

• սամիթ,

• 0.5 բաժակ պաքսիմատ կամ 1 ձու,

• աղ,

• պղպեղ,

• 0.5 թեյի գդալ սխտորի փոշի,

• ձեթ:

Պատրաստման եղանակը

Սունկը մանր կտրատել:

Սոխարած պատրաստել, այնուհետև ավելացնել սունկը, քերիչով անցկացված գազարը և տապակել 3-4 րոպե:

Կարտոֆիլը խաշել, քերիչով անցկացնել:

Կարտոֆիլը, տապակված զանգվածը, մանր կտրատված սամիթը, սխտորի փոշին, աղը և պղպեղը միավորել և լավ խառնել:

Ստացված կարտոֆիլային զանգվածի մեջ ավելացնել պաքսիմատ կամ փոխարենը՝ ձու, և խառնել, այնուհետև կոտլետներ ձևավորել:

Ջեռոցի թավայի մեջ յուղաթուղթ փռել, վրան ձեթ քսել, կոտլետները շարել վրան և եփել 190 ջերմաստիճանում 20 րոպե:

Երբ կոտլետները գրեթե պատրաստ լինեն, հանել ջեռոցից, վրան ձեթ քսել ու ևս 5 րոպե թողնել ջեռոցում:

Մատուցել թթվասերով կամ սիրելի սոուսով:

Բարի ախորժակ