Խրթխրթան աղցան, որը բոլորին դուր կգա

Բաղադրությունը

• 250 գր հավի կրծքամիս,

• 2 հատ ձու,

• 1 հատ վարունգ,

• 1 հատ լոլիկ,

• 2-3 հատ կարտոֆիլ,

• 3 ճաշի գդալ մայոնեզ,

• 2-3 ատամիկ սխտոր,

• 1/2 թեյի գդալ սև քունջութ,

• 1/3 փունջ սամիթ,

• աղ, սև պղպեղ և համեմունքներ՝ ըստ ճաշակի,

• ձեթ՝ տապակելու համար:

Պատրաստման եղանակը

Հավի կրծքամիսը խաշել՝ ջրի մեջ աղ լցնելով: Հավի միսը կարելի է նաև ջեռոցում եփել՝ համեմելով սիրված համեմունքներով: Այուհետև միսը թել-թել անել:

Կարտոֆիլը կեղևազրկել և լվանալ, մանր քերիչով երկարությամբ անցակցնել: 3 անգամ լվանալ, ամեն անգամ լվանալ սառը և նոր ջրով, իսկ հետո թղթե անձեռոցիկով չորացնել: Թավայի մեջ ձեթ լցնել, և կարտոֆիլը մաս-մաս տապակել: Տապակելուց հետո կրկին թղթե անձեռոցիկի վրա լցնել, որպեսզի ձեթը միջից դուրս գա:

Կտրատել լոլիկը (առանց հյութալի մասի) և վարունգը: Ձուն խաշել և կիսաշրջանով կտրատել:

Սամիթը մանր-մանր կտրատել:

Սխտորը ճզմել և  սև պղպեղի հետ միասին ավելացնել մայոնեզի մեջ:

Ամանի մեջ միավորել և լավ խառնել բոլոր բաղադրիչները՝ բացի կարտոֆիլից:

Ըստ ցանկության նաև աղով համեմել:

Աղցանը ձևավորել կարտոֆիլով, և վրան քունջութ շաղ տալ:

Բարի ախորժակ