Խաղողի տերևներով դոլմա

Բաղադրիչներ

700 գր տավարի աղացած միս
300 գր խոզի աղացած միս (բարձր յուղայնությամբ)
350 գր սոխ
50 գր կարագ
խաղողի տերևներ
100 գր բրինձ
2 թեյի գդալ աղ
4 ատամիկ սխտոր
0.5 թեյի գդալ աղացած սև պղպեղ
0.5 թեյի գդալ կարմիր պղպեղ (կծու)
1 թեյի գդալ չորացրած անանուխ
0.5 թեյի գդալ խմելի–սունելի
համեմ
մաղադանոս
սամիթ

Լրացուցիչ

300 մլ մածուն
4 ատամիկ սխտոր
մաղադանոս
համեմ

Պատրաստման եղանակը

1 Եռման ջրի մեջ լցնել բրինձը, եփել 5 րոպե: Սոխը կտրատել, տապակել ցածր կրակի վրա:

2 Խառնել աղացած միսը, բրինձը, սոխը, սխտորը: Ավելացնել մաղադանոս, սամիթ, խմելի–սունելի, չոր անանուխ, կարմիր պղպեղ, սև պղպեղ և մեկ թեյի գդալ աղ: Վրան լցնել 300մլ ջուր և լավ խառնել:

3 Խաղողի տերևի մեջ մի փոքր միս դնել և փաթաթել:

4 Խորը թավայի մեջ ափսե դնել, և վրան շարել դոլմաները: Ավելացնել կարագը, փակել խաղողի տերևներով, և վրան դնել ևս 1 ափսե:

5 Ավելացնել մեկ լիտր ջուր (որ հասնի վերևի շերտին) և մեկ թեյի գդալ աղ:

6 Փակել կափարիչով և եռացնել մեկ ժամ ցածր կրակի վրա:

7 Սոուսի համար մածունի մեջ ավելացնել սխտոր, համեմ և մաղադանոս: Խառնել և մատուցել դոլմայի հետ միասին: