Լցոնած պղպեղ
Անչափ համեղ լցոնած պղպեղներ առանց մեծ ջանքերի:
Բաղադրիչներ
- 3 հատ քաղցր կարմիր պղպեղ
- 500 գ հավի կրծքամիս
- 85 գ պանիր
- 1 հատ լոլիկ
- 1 ճաշի գդալ թթվասեր
- 1/3 թեյի գդալ սխտորի փոշի
- կանաչի (ըստ ճաշակի)
- աղ
- սև պղպեղ
Պատրաստման եղանակը
- Պղպեղները բաժանել 2 մասի, միջուկը հեռացնել:
- Հավի կրծքամիսը մանր կտրատել:
- Լոլիկի կեղևը հանել, մանր կտրատել:
- Կանաչին մանր կտրատել:
- Պանիրը քերել, մի փոքր մասը ավելացնել, կտրատված զանգվածին, և լավ խառնել:
- Ավելացնել թթվասերը և համեմունքները, լավ խառնել:
- Պղպեղները լցոնել ստացված միջուկով, դնել 180°C ջեռոցում 20-25 րոպե:
- Ջեռոցից հանել, վրան ցանել պանիրը, դնել ջեռոցը ևս 2 րոպե:
Բարի ախորժակ: