Լավաշից պատրաստված հերթական համեղ ուտեստը

Բաղադրությունը

• 4 հատ լավաշ,

• մարինացված սունկ,

• հավի կրծքամիս,

• հալվող պանիր,

• գազար,

• համեմ,

• թթվասեր,

• մայոնեզ,

• սոխ,

• խմելի-սունելի,

• աղ,

• պղպեղ:

Բոլոր բաղադրիչների քանակությունը՝ ըստ ցանկության

Պատրաստման եղանակը

Մանր կտրատել սոխը և տապակել սնկի հետ :

Գազարը քերիչով անցկացնել և առանձին տապակել:

Հավի կրծքամիսը խաշել, կրկին առանձին տապակել՝ համեմելով աղով, սև պղպեղով, խմելի-սունելիով:

Պանիրն անցկացնել քերիչով:

Թթվասերը և մայոնեզը միասին խառնել:

Առաջին լավաշի շերտին շաղ տալ քերած պանիրը, իսկ մյուս շերտերին քսել թթվասերով և մայոնեզով պատրաստված զանգվածը , և յուրաքանչյուր շերտին դնել բաղադրիչներից որևէ մեկը:

Այնուհետև փաթաթել խողովակի պես, մի քանի մասի կտրատել և եփել 250 ջերմաստիճանում  15 րոպե:

Բարի ախորժակ

Պատրաստեց՝ Նոնա Սարգսյանը (Nona Sargsyan)