Վանիլային պաղպաղակ

Բաղադրիչներ

250 մլ կաթ
250 մլ սերուցք (33-35%)
4-6 հատ ձվի դեղնուց
80-90 գ շաքարավազ
1 թեյի գդալ վանիլային շաքար

Պատրաստման եղանակը

1 Կաթը եռացնել:

2 Ձվի դեղնուցը, շաքարավազը և վանիլային շաքարը հարել:

3 Ձվով զանգվածի մեջ մաս-մաս ավելացնել կաթը և խառնել:

4 Այս զանգվածը լցնել խորը թասի մեջ և եփել՝ զուգահեռաբար փայտե գդալով անընդհատ խառնելով: Եփել այնքան, մինչև զանգվածը մի փոքր կխտանա (եռացնելու անհրաժեշտություն չկա):

5 Այնուհետև այս զանգվածը թողնել, որ սառչի:

6 Սառը սերուցքը հարել նախ ցածր արագությամբ, ապա հարիչի արագությունը աստիճանաբար ավելացնել:

7 Հարված սերուցքը լցնել կաթով զանգվածի մեջ և լավ խառնել:

8 Այս զանգվածը լցնել որևէ ձևամանի մեջ և դնել սառցախցիկում մոտ 10-12 ժամ, սակայն անհրաժեշտ է 4-5 անգամ զանգվածը սառցախցիկից հանել և բլենդերով հարել, որպեսզի մեջը գնդիկներ չմնան:

9 Պաղպաղակը մատուցելիս այն զարդարել հատապտուղներով կամ ըստ ցանկության: