Թմբլիկ և բամբակի պես փափուկ բուլկիներ

Բաղադրությունը

• 300-350 գ ալյուր,

• 1.5 թեյի գդալ խմորիչ,

• մոտ 5 ճաշի գդալ շաքարավազ,

• 2/3 թեյի գդալ աղ,

• 1 հատ ձու,

• 150 մլ կաթ,

• 50 գ հալեցրած կարագ:

Պատրաստման եղանակը

Ալյուրը մաղով անցկացնել, ավելացնել, աղը, շաքարավազը, խմորիչը և խառնել:

Այնուհետև ավելացնել մի փոքր հարված ձուն, տաք կաթը, հալեցրած կարագը, խառնել ու փափուկ խմոր հունցել:

Եթե խմորը ձեռքերին է կպչում, ապա մի փոքր էլ ալյուր ավելացնել:

Պատրաստի խմորը ծածկել և 1.5 ժամ թողնել տաք վայրում, որ հասունանա:

Դրանից հետո խմորը կրկին տրորել, և գնդաձև բուլկիներ ձևավորել:

Ձևավորված բուլկիները դնել ամանի մեջ, ծածկել սրբիչով և 40 րոպե թողնել տաք վայրում:

1 ձվի դեղնուցը և 1 ճաշի գդալ ջուրը կամ կաթը պատառաքաղով մի փոքր հարել և քսել բուլկիների վրա:

Թխել 180 ջերմաստիճանում 20-25 րոպե:

Պատրաստի բուլկիների վրա կարագ քսել, սրբիչով ծածկել մի որոշ ժամանակ և նոր համտեսել:

Բարի ախորժակ