Թխվածքաբլիթներ «բանան»

Բաղադրությունը

Խմոր

• 250 գ ալյուր,

• 100 գ կարագ,

• 100 գ թթվասեր (15%),

• մի փոքր քրքում՝ ըստ ցանկության,

• 5 գ փխրեցուցիչ,

• 5 գ վանիլին:

Միջուկ

• 250 գ կաթնաշոռ,

• 100 գ շաքարավազ,

• 100 գ բանան,

• 5 գ վանիլին,

• 20 գ ալյուր:

Պատրաստման եղանակը

Բոլոր բաղադրիչները պետք է լինեն սենյակային ջերմաստիճանի:

Ալյուրը լցնել խորը ամանի մեջ, ավելացնել աղ, քրքում, փխրեցուցիչ, վանիլին  և խառնել:

Այնուհետև ավելացնել թթվասեր, փափուկ կարագ, խառնել, և խմոր հունցել:

Ստացվում է ձեռքերին չկպչող խմոր:

Խմորը ծածկել սննդային տոպրակով և դնել սառնարանում 20 րոպե:

Միջուկը պատրաստելու համար բանանը մանր կտրատել և լցնել կաթնաշոռի վրա: Զանգվածին ավելացնել վանիլին, շաքարավազ, ալյուր և խառնել: Միջուկը ևս դնել սառնարանում:

Խմորը բաժանել 2 մասի: Մի մասը դնել սառնարանում, իսկ մյուս մասը բաժանել 4-5 մասի, և գնդեր պատրաստել:

Գնդերը գրտնակել էլիպսի տեսքով, միջուկը դնել մեջտեղի մասում, և բանանի տեսք տալ:

Ջեռոցի ձևամանին յուղաթուղթ փռել, վրան դասավորել բանանները և թխել 180 ջերմաստիճանում:

Մատուցելիս վրան շաքարի փոշի շաղ տալ:

Բարի ախորժակ