Ընդամենը 3 բաղադրիչ և հիանալի կոնֆետներ

Բաղադրությունը

• 150 գ կարագ,

• 500 գ շաքարավազ,

• 380 գ խտացրած կաթ,

• աղ (ըստ ցանկության):

Պատրաստման եղանակը

Հաստ հատակով (անպայման) թավայի մեջ դնել փափուկ կարագը, ավելացնել խտացրած կաթը, շաքարավազը և խառնել:

Թավան դնել ամենաթույլ կրակի վրա: Սա շատ կարևոր է, հակառակ դեպքում շաքարավազը չի լուծվի:

Զանգվածը պարբերաբար խառնել, իսկ հենց սկսի եռալ, անընդհատ այնքան խառնել, մինչև զանգվածն իր գույնը կփոխի: Տևում է մոտ 15 րոպե:

Որպեսզի հասկանանք զանգվածը պատրա՞ստ է, թե՞ ոչ, այն պետք է կաթեցնել սառը ջրի մեջ: Եթե կպնդանա ու կխտանա, ապա պատրաստ է:

Վերջում մի փոքր աղ ավելացնել ու խառնել:

Զանգվածը լցնել ձևամանի մեջ և 2-3 ժամ թողնել սառնարանում:

Մատուցելուց առաջ կտրատել:

Բարի ախորժակ