Երեկոյան թեյի լավագույն ընկերը, որը կպատրաստեք հաշված րոպեների ընթացքում: Խնձորով կարկանդակ

Բաղադրիչներ

2-3 խնձոր

100 գ շաքարավազ

1 թ/գ դարչին

600 գ ալյուր

1 թ/գ փխրեցուցիչ

200 գ կարագ

120 գ շաքարի փոշի

5 գ վանիլին

1 ձու

200 գ թթվասեր

Պատրաստման եղանակը

Խնձորների կեղևը հեռացնել, անցկացնել քերիչով, 3 րոպե տապակել, այնուհետև ավելացնել շաքարավազ, դարչին, թողնել 4-5 րոպե՝ անընդհատ խառնելով և վերցնել կրակից

Ալյուրին ավելացնել փխրեցուցիչ, լավ խառնել, ավելացնել քերած կարագ (անընդհատ թաթախել ալյուրի մեջ և քերել)

Լավ տրորել, ավելացնել շաքարի փոշի, վանիլին, ձու, թթվասեր, լավ խառնել, խմոր հունցել, թողնել 10-15 րոպե

Փոքր գնդիկներ ձևել, շրջանաձև գրտնակել, յուրաքանչյուրի մեջ 1-ական ճ/գ խնձոր դնել, մի կողմն ամրացնել

Մնացած մասի վրա կտրվածքներ անել, ապա ռուլետի պես փաթաթել ու կիսալուսնի ձև տալ: Դնել 180°С տաքացրած ջեռոցում 20 րոպե

Շաքարի փոշի ցանեք և մատուցեք )))

Բարի ախորժակ