Երեկոյան ընտանեկան հավաքույթի համն ու հոտը կապահովի այս ախորժելի և հագեցնող ուտեստը։ Հավի մսով և կարտոֆիլով ջեռեփուկ

Բաղադրիչներ

700 գ հավի կրծքամիս

500 գ կարտոֆիլ

կանաչ սոխ

2 ցողուն կանաչ սխտոր

3 ճ/գ սոյայի սոուս

3 ճ/գ ձիթայուղ

70 գ պանիր

1/2 թ/գ սև պղպեղ

1 թ/գ աղ

ուրց

կաղապարի չափը՝ 24 սմ

Պատրաստման եղանակը

Հավի կրծքամիսը միջին երկարությամբ կտրատել, համեմել աղով, սև պղպեղով, ավելացնել ուրց, լավ խառնել, տապակել ուժեղ կրակի վրա 7 րոպե

Ավելացնել կանաչ սոխ, սխտոր, թողնել ևս 3 րոպե, ապա ավելացնել սոյայի սոուս, թողնել միջին ջերմության կրակին 3-4 րոպե և վերցնել կրակից

Կարտոֆիլը խորանարդաձև կտրատել, խաշել։ Կաղապարի ներսը պատել ձիթայուղով, լցնել խաշած կարտոֆիլը, տապակած միսը

Ավելացնել քերած պանիր, ուրց և դնել 200°С տաքացրած ջեռոցում 15 րոպե

Ավելացնել մանրացրած համեմ և մատուցել )))

Բարի ախորժակ