Դե արի՛ ու դիմակայի՛ր: Շոգեխաշած կաղամբով կարկանդակ, որն ուղղակի հալչում է բերանում

Բաղադրիչներ

35 գ հալեցրած կարագ

250 գ թթվասեր` բարձր յուղայնությամբ

0,5 թ/գ աղ

1 թ/գ շաքարավազ

10 գ փխրեցուցիչ

300 գ ալյուր

Միջուկի համար`

0,5 կաղամբ

2 գազար

1 գլուխ սոխ

2 խնձոր

աղ

սև պղպեղ

1 ձվի դեղնուց + քնջութ` զարդարելու համար

Պատրաստման եղանակը

Միջուկի պատրաստման համար անհրաժեշտ է կաղամբը կտրատել, համեմել աղով և տրորելով լավ խառնել

Ավելացնել կիսալուսնաձև կտրատած սոխ, քերած գազար և լավ խառնել

Ամբողջը տեղափոխել խոր թավայի մեջ, թողնել շոգեխաշվի այնքան, միչև բանջարեղենը շականակագույն երանգ կստանա

Խնձորի կեղևն ու կորիզը հեռացնել, միջին մեծությամբ կտրատել և ավելացնել տապակին։ Համեմել աղով, սև պղպեղով, թողնել ևս 3-4 րոպե և վերցնել կրակից

Խմորի պատրաստման համար անհրաժեշտ է կարագին ավելացնել թթվասեր, աղ, շաքարավազ և լավ խառնել

Ավելացնել փխրեցուցիչ, ալյուր` մաս-մաս, խառնել և խմոր հունցել: Ծածկել և թողնել սենյակային ջերմաստիճանում 15-20 րոպե

Բաժանել 12 հավասար մասերի, գնդել

Յուրաքանչյուր գնդիկը գրտնակել, 2-3 ճ/գ տապակած կաղամբ դնել, 2 կողմից ամրացնել` կենտրոնը թողնելով բաց

Պատել ձվի դեղնուցով, քնջութով և դնել 200°С տաքացրած ջեռոցում 30 րոպե

Վայելելու ժամանակն է )))

Բարի ախորժակ