Դդմիկով չեբուրեկի

1 ժամ

Բաղադրիչներ

5 հատ դդմիկ
3 ճաշի գդալ թթվասեր
2 հատ ձու
100 գ ալյուր
2 ատամիկ սխտոր
250 գ խճողակ (աղացած միս)
1 հատ սոխ
100 գ պանիր
աղ
սև պղպեղ
ձեթ

Պատրաստման եղանակը

1 Դդմիկը մեծ քերիչով անցկացնել, ավելացնել աղ և խառնել:

2 Ձեռքերով ճզմել քերված դդմիկը, որպեսզի ավելորդ հեղուկը դուրս գա:

3 Այնուհետև ավելացնել ճզմված սխտորը, ձուն, թթվասերը, ալյուրը, համեմել աղով և պղպեղով և խառնել:

4 Սոխը կտրատել, 2-3 րոպե տապակել, և ավելացնել խճողակը: Եփել մոտ 20-25 րոպե, իսկ վերջում համեմել աղով և պղպեղով:

5 Թավայի մեջ մի փոքր ձեթ լցնել, լցնել դդմիկով խմորը, հաստ լոշիկի տեսք տալ և 2 կողմից տապակել: Այս դդմիկով լոշիկը տապակել թույլ կրակին՝ պարբերաբար փակելով թավայի կափարիչը:

6 Լոշիկի մի կողմում լցնել միսը և քերված պանիրը ու ծածկել մյուս կողմով՝ մի փոքր սեղմելով:

7 Թավայի կափարիչը ծածկել: Այսպես ևս 1-2 րոպե տապակել: