Գեղեցիկ աղցանները տոնական սեղանի անբաժան մասն են կազմում: Հավի մսով և սնկով աղցան

Բաղադրիչներ

300 գ հավի կրծքամիս

3 խաշած ձու

150 գ մարինացված սունկ

150 գ պանիր

1 գլուխ սոխ

1 ճ/գ շաքարավազ

1 ճ/գ 9 % քացախ

100 մլ ջուր

մայոնեզ

աղ, սև պղպեղ, հավի համեմունք

սամիթ

խոհարարական շրջանակի չափը` 19 սմ

Պատրաստման եղանակը

Սոխը մանրացնել, ավելացնել քացախ, շաքարավազ, ջուր, լավ խառնել, թողնել 20 րոպե, այնուհետև ջրքամել

Հավի կրծքամիսը բաժանել 2 շերտի, համեմել աղով, սև պղպեղով, հավի համեմունքով և 2 կողմից տապակել (մոտ 7 րոպե), ապա մանր կտրատել

Մատուցվող ափսեյի մեջ խոհարարական շրջանակ դնել, մի քիչ մայոնեզ քսել, ավելացնել կտրատած հավի միսը և մայոնեզ քսել

Ավելացնել մարինացված սոխը: Ձուն անցկացնել քերիչով, համեմել աղով, ավելացնել աղցանին և մայոնեզ քսել

Սունկը շրջանաձև կտրատել, ավելացնել մյուս բաղադրիչներին, մայոնեզ քսել, ավելացնել քերած պանիր

Զարդարել սամիթով, ամբողջական սնկերով, 30-40 րոպե թողնել սառնարանում և մատուցել )))

Բարի ախորժակ