Բուլկու պես փափուկ խնձորային բլիթներ

Բաղադրությունը

3 հատ միջին մեծության ձու,

100 գ կարագ,

100 գ շաքարավազ,

+/- 310 գ ալյուր,

1.5 թեյի գդալ փխրեցուցիչ,

վանիլին,

1 պտղունց աղ,

2 հատ խնձոր,

30 գ չորացրած բալ, չամիչ, ընկույզ (որևէ մեկն՝ ըստ ցանկության):

Պատրաստման եղանակը

Ջեռոցը նախապես տաքացնել (180 աստիճան):

Ձուն ջարդել, ավելացնել 1 պտղունց աղ և 1 րոպե հարել:

Աստիճանաբար ավելացնել շաքարավազը՝ զուգահեռաբար հարելով:

Պետք է ստացվի փրփրուն և սպիտակ զանգված: Այնուհետև ավելացնել վանիլինը և շատ փափուկ հալեցրած կարագը ու հարել (կարագը նախապես կարելի է մի փոքր հալեցնել):

Ալյուրի մեջ փխրեցուցիչ լցնել, մաղով անցկացնել և մաս-մաս ավելացնել ձվով զանգվածի մեջ՝ զուգահեռաբար խառնելով:

Ստացվում է փափուկ և կպչուն խմոր:

Միջուկը պատրաստելու համար խնձորը խորանարդիկներով կտրատել: Խնձորը և չորացրած բալը ավելացնել խմորի մեջ ու խառնել:

Ջեռոցի ձևամանը ծածկել յուղաթղթով, և խմորից կտորները գդալի օգնությամբ դնել մեջը:

Թխել մոտ 20 րոպե 180 ջերմաստիճանում:

Մատուցելիս վրա շաքարի փոշի շաղ տալ:

Բարի ախորժակ