Բերանում հալչող անչափ համեղ էսկիմո

Խմորի պատրաստման համար հարկավոր է

• 5 հատ ձու,

• 1 բաժակ շաքարավազ,

• 0,5 թեյի գդալ սոդա,

• 2 ճաշի գդալ կակաո,

• 2 ճաշի գդալ օսլա,

• 160 գրամ ալյուր,

• 0,5 բաժակ կոնյակաջուր:

5 ձվի սպիտակուցը հարել շաքարավազի հետ, մինչև բեզե կստացվի: Այնուհետև ավելացնել 3 դեղնուցները, խառնել, խառնելուց հետո ավելացնել նախապես միմյանց խառնված օսլան, կակաոն, ալյուրը և մի պտղունց սոդան: Խմորը լցնել ձևամանի մեջ և թխել:

Պատրաստի խմորը պետք է թրջել կես բաժակ կոնյակաջրով:

Կրեմի պատրաստման համար հարկավոր է

• 1 ձու,

• 1,5 բաժակ շաքարավազ,

• 4 ճաշի գդալ եգիպտացորենի օսլա,

• 2 բաժակ կաթ,

• 250 գ կարագ,

• վանիլին:

1 ձուն, 2 ձվի դեղնուցը, որը մնացել էր խմորի պատրաստման ժամանակ հարել շաքարավազի հետ, ավելացնել 4 ճաշի գդալ եգիպտացորենի օսլա, կաթ և եփել: Եփել այնքան, մինչև զանգվածը կպնդանա: Հետո սպասել, որ մի փոքր հովանա:

Վերջում առանձին հարել կարագը, մեր արդեն պատրաստված եփովի կրեմը և վանիլինը:

 Կրեմը հաստ շերտով քսել պատրաստի խմորին և դնել սառնարանը:

Գլազուրի պատրաստման համար հարկավոր է

• 5 ճաշի գդալ շաքարավազ,

• 3 ճաշի գդալ կակաո,

• 10 ճաշի գդալ ջուր կամ կաթ,

• 100 գրամ կարագ,

• 1 ճաշի գդալ ձեթ,

• 2 ճաշի գդալ կոնյակ:

Շաքարավազը, կակաոն և կաթը լավ եփել կրակի վրա, պատրաստ լինելուց հետո ավելացնել կարագը, ձեթը և կոնյակը: Հետո լավ խառնել թողնել մի փոքր հովանա: Հովանալուց հետո լցնել տորթի վրա:

Բարի ախորժակ